სანდრო ასათიანი დაიბადა ქალაქ თბილისში, საქართველო. 1995 წელს სამხატვრო აკადემიის დასრულების შემდეგ მიიღო ბაკალავრის ხარისხი წიგნის ილუსტრაციაში, შემდგომში სწავლა განაგრძო ფლორენციის სახელოვნებო აკადემიაში (Academia di Belle Arti Firenze, 2005-2009), შემდეგ კი მინიაპოლისის ხელოვნებისა და დიზაინის კოლეჯში (Minneapolis College of Art and Design, 2008). სანდრო ასათიანი მოწვეული პროფესორის სტატუსით კითხულობს ლექციებს თბილისის სახელმწიფო და კერძო უმაღლეს სასწავლებლებში, მათ შორის, ილია ჭავჭავაძის სახელობის სახელმწიფო უნივერსიტეტში, ჯიპა-საზოგადოებრივ მეცნიერებათა ქართულ ინსტიტუტში, საქართველოს უნივერსიტეტში, კავკასიის ტექნოლოგიების სკოლაში; ამჟამად, სანდრო ასათიანს უკავია მთავარი დიზაინერის პოსტი გაზეთ "პრაიმ-ტაიმში". სანდრო ასათიანი 2008 წლის განმავლობაში მუშაობდა პროგრამისტის თანამდებობაზე კომპანიაში - "United Communication" (Florence, Italy), ქალაქ ფლორენციაში, გამომცემლობამ “ლიბრი-ლიბერი” გამოსცა სანდრო ასათიანის 12 წიგნი, მისივე ილუსტრაციებით. მანამდე, ჟურნალ “ანაბეჭდში” დიზაინერად მუშაობისას, (2004-2005) სანდრო ასათიანმა შექმნა ჟურნალის ლოგო. გარდა პედაგოგიური აქტივობისა, სანდრო ასათიანი უძღვება საკუთარ ვირტუალურ გამომცემლობას “სანდროს წიგნები”.
No comments:
Post a Comment