გვანცა ჯობავა

დაიბადა 1986 წელს, თბილისში.
2003 წელს დაამთავრა მე-5 გიმნაზია. 2007 წელს დაამთავრა ივანე ჯავახიშვილის სახელმწიფო უნივერსიტეტი, ფილოლოგიის მიმართულება, სპეციალობით საგამომცემლო-სარედაქციო საქმე. 2009 წელს კი, ამავე უნივერსიტეტში - მაგისტრატურა სპეციალობით - განათლების სფეროს ხელმძღვანელობა და ადმინისტრირება. კვალიფიკაცია: განათლების მაგისტრი.
მუშაობდა საბავშვო წიგნების გამომცემლობა “ელფში”. არის ლიტერატურული ჟურნალის “ქართული მწერლობა” სარედაქციო კოლეგიის წევრი.

ეწევა მთარგმნელობით საქმიანობას, თარგმნის საბავშვო წიგნებს.

ნათარგმნია და გამოსაცემადაა მომზადებული კიდევ რამდენიმე წიგნი.

მუშაობს ქართველი პოეტის, ტერენტი გრანელის თარგმნაზე ინგლისურ ენაზე.

წერს ლექსებს.
არის რედაქტორი წიგნებისა: ბეთულ საინი, "5 ბავშვი - 5 სტამბოლი" (ელფის გამომცემლობა. 2008 წ).

მონაწილეობს შვედურ-ქართულ პროექტში, რომლის მიზანია ერთობლივი საბავშვო წიგნების შექმნა. პროექტი დაიწყო 2009 წელს და დასრულდება 2010 წელს შვედეთში.

ამჟამად მუშაობს მარკეტინგისა და საზოგადოებრივი აზრის კვლევის ინსტიტუტში, მედია მონიტორინგის დეპარტამენტში, რედაქტორად.

 

გამოცემული წიგნები:

 

"5 ბავშვი - 5 თბილისი" (გამომცემლობა "ელფი", 2010 წ.)

 

ნათარგმნი წიგნები:

- რობერტ რიპლი "აღმოაჩინე იდუმალი მსოფლიო",  ელფის გამომცემლობა - 2008 წ.

- “ალისა საოცრებათა ქვეყანაში”, მთარგმნელი; ელფის გამომცემლობა – 2009წ.